Дзасохов: выходцам из Грузии надо дать право голоса на выборах

До президентских выборов в Грузии осталось совсем мало времени. Предвыборная кампания уже работает на полную мощность. Однако нерешенным остается важный не только в электоральном, но и политическом и государственном аспекте вопрос участия в выборах соотечественников, проживающих за рубежом. По этому поводу высказываются самые различные точки зрения. Президент Ассамблеи народов Грузии выражает надежду, что в первые дни осенней сессии Парламентом будут рассмотрены поправки в Конституцию, позволяющие выходцам из Грузии, получившим гражданство других стран избирать и быть избранными.

(საინფორმაციო სააგენტო FrontNews.ge) ბიძინა ივანიშვილის გარემოცვაში ვადამდელი საპარლამენტო არჩევნების საკითხი გადაწყდა

პრემიერ-მინისტრ ბიძინა ივანიშვილის გარემოცვაში ვადამდელი საპარლამენტო არჩევნების ჩატარების საკითხი გადაწყდა. ამის შესახებ გაზეთ „ალიასთან“ საუბრისას წყარო ირწმუნება.

(საინფორმაციო სააგენტო GeoNews.ge)პაატა ცნობილაძე აშშ -ის სახელმწიფო დეპარტამენტს და შეერთებული შტატების ელჩს საქართველოში, ღია წერილით მიმართავს

მსოფლიო იურისტთა ასოციაციის პირველი ვიცე-პრეზიდენტი, კონსტიტუციონალისტი, პაატა ცნობილაძე ამერიკის შეერთებული შტატების სახელმწიფო დეპარტამენტს და ამერიკის შეერთებული შტატების ელჩს საქართველოში, რიჩარდ ნორლანდს ღია წერილით მიმართავს.

ქართველი ემიგრანტები ახალი ინიციატივებით გამოდიან

 დღეს გაზეთ ,,ღირსების“ მორიგი, მე-4 ნომერი გამოვიდა. გაზეთში საუბარია იმ წინადადებებსა და ინიციატივებზე, რომლებიც უცხოეთში მცხოვრებ ქართველებთან შეხვედრების შემდეგ გამოიკვეთა.

მეცნიერთა სადისკუსიო დარბაზის თავმჯდომარის პაატა ცნობილაძის ღია წერილი აშშ-ს სახელმწიფო დეპარტამენტს და აშშ-ს ელჩს საქართველოში

ღია წერილი 
ამერიკის შეერთებული შტატების სახელმწიფო დეპარტამენტს, ამერიკის შეერთებული შტატების ელჩს საქართველოში.
20.07.2013 წელი.

(გთავაზობთ ქართულ თარგმანს).

ამერიკის შეერთებული შტატების სახელმწიფო დეპარტამენტს,
ამერიკის შეერთებული შტატების ელჩს საქართველოში,
ბატონ რიჩარდ ნორლანდს

მაქვს პატივი, მოგესალმოთ პირადად ჩემი და ჩემი კოლეგების სახელით და მადლიერების გრძნობით აღვნიშნო აშშ-ისა და ამერიკელი ხალხის თანადგომა და მხარდაჭერა, ჩვენი ქვეყნისათვის ურთულეს პერიოდებში. არ გადავაჭარბებ, თუ ვიტყვი, რომ სწორედ, ამერიკის შეერთებული შტატებისა და ევროკავშირის ქვეყნების პრინციპულმა და ცალსახა პოზიციამ იხსნა ჩვენი ქვეყანა უამრავი განსაცდელისგან, განსაკუთრებით, უკანასკნელი 5 წლის განმავლობაში განვითარებული ცნობილი მოვლენებისას.

ცალკე აღნიშვნის ღირსია, ბატონი რიჩარდ ნორლანდის სამაგალითო და მართლაც გაბედული მოქმედება, ოქტომბრის საპარლამენტო არჩევნების პერიოდში, როცა საკუთარი სიცოცხლის რისკის ფასად, პირადად ეწვია სამეგრელოს რეგიონს და აღკვეთა მოვლენების ტრაგიკული განვითარების მცდელობა.

ძვირფასო მეგობრებო და კოლეგებო!

მოგეხსენებათ, საქართველო პატარა, მაგრამ უძველესი და დიდი კულტურის მქონე ქვეყანაა. მსოფლიო ისტორიაში ძნელად მოიძებნება ხალხი, რომელსაც მასზე მეტი თავდაცვითი ომი ჰქონდეს გადატანილი. გეოპოლიტიკური ვითარება არ აძლევდა ამოსუნთქვის საშუალებას, მაგრამ ქართველი ხალხის თავდადებამ და დამოუკიდებლობისადმი სწრაფვამ, უსამართლობისადმი შეუგუებლობამ და რწმენამ, საშუალება მისცა არ გამქრალიყო მსოფლიო ცივილიზაციის ასპარეზიდან.

თქვენ, წლების განმავლობაში, ჩინებულად გაეცანით ქართველი ხალხის ფსიქოლოგიას და მისწრაფებებს, ჩვენი ხალხის ბუნებას, მის ერთგულებას ზოგადსაკაცობრიო ღირებულებებისადმი და იმავდროულად, თავისუფალი განვითარების დაუოკებელ წადილს. კაცთმოყვარეობა და შემწყნარებლობა მუდამ იყო საქართველოს სავიზიტო ბარათი. ის ყოველთვის ამაყობდა თავისი მრავალეროვნული შემადგენლობით და ტოლერანტობით. მარტო, ძველი თბილისის ერთი პატარა უბანი რად ღირს, სადაც სულ რაღაც 500 კვადრატული მეტრის რადიუსში, განთავსებულია სხვადასხვა ქრისტიანული მიმდინარეობის, მუსულმანური და ებრაული სალოცავები.

ცალკე საუბრის თემაა მისი სამართლებრივი მემკვიდრეობა. მართალია, კონსტიტუციური იდეების გავრცელება საქართველოში დაიწყო მეცხრამეტე-მეოცე საუკუნეების მიჯნაზე, ანუ ერთი საუკუნით გვიან, ვიდრე ეს მოხდა აშშ-სა და ევროპაში, მაგრამ თამამად შეიძლება ითქვას, რომ ქართული კონსტიტუციონალიზმი წარმოადგენს ევროპული კონსტიტუციონალიზმის დამოუკიდებელ და და საკმაოდ სპეციფიკურ ნაირსახეობას, რაც კიდევ ერთი დასტურია იმისა, რომ საქართველო ყოველთვის ილტვოდა ევროპისაკენ და იყო მისი განუყოფელი ნაწილი. ამაზე მეტყველებს თუნდაც ის ფაქტი, რომ სამართლებრივი მოდერნიზაცია კონსტიტუციონალიზმის ფარგლებში მიჩნეული იქნა ჯერ კიდევ მაშინ, ფორმალურად მოპოვებული დამოუკიდებლობის იურიდილი გაფორმების უალტერნატივო გზად.

სხვათა შორის, ჩვენი თვალსაწიერის ამ გადასახედიდან, ქართული სინამდვილე, ძალზე წააგავს ამერიკული კონსტიტუციონალიზმის რეალობას, ვინაიდან ასე დაიწყო ამერიკაშიც - თავგანწირული ბრძოლა თავისუფლებისათვის კოლონიზატორების წინააღმდეგ, ჯეფერსონის მიერ დაწერილი 1776 წლის 8 ივლისის "დამოუკიდებლობის დეკლარაცია" და შედეგად 1787 წლის აშშ-ის კონსტიტუცია... და კიდევ ერთი პარალელი - ამერიკაში 1776 წლის 8 ივლისს, დამოუკიდებლობის დეკლარაციის მიღების აღსანიშნავად, პირველად დაირეკა თავისუფლების ზარი, ამერიკული თავისუფლების სიმტკიცის სიმბოლო. საქართველოში 1918 წლის 26 მაისს, საქართველოს დამოუკიდებლობის აქტის გამოცხადების აღსანიშნავად, გუგუნებდა სიონის საკათედრო ტაძრის ზარები, ქართველთა სულიერი სიმტკიცის სიმბოლო. პარალელები მართლაც რომ მსგავსია. ვინ იცის, რომ არა რუსული იმპერიალისტური პოლიტიკა და საბედისწერო 70 წლიანი პატიმრობა კომუნისტური რეჟიმის ეპოქაში, იქნებ მსგავსი პარალელები მეტიც მოგვეძებნა დემოკრატიული კონსტიტუციური ინსტიტუციონალიზმის განვითარების თვალსაზრისით.

ძვირფასო მეგობრებო და კოლეგებო!

იმედია, ამ მოკლე მიმოხილვას კადნიერებაში არ ჩამომართმევთ. ეს ყოველივე იმიტომ მოვიშველიე, რომ სამწუხაროდ, კვლავ ვხედავ დასავლურ ღირებულებებთან გამომშვიდობების საფრთხეს. მაგრამ არა ახალი ხელისუფლების, არამედ ძველი ხელისუფლების "შეწევნითა" და მიზანმიმართული პოლიტიკით. წლების განმავლობაში, პირველყოვლისა, ისევ თქვენი დახმარებით, თითქოს ბევრი რამ კეთდებოდა დემოკრატიული ორიენტირების გასამყარებლად. მაგრამ, რაც უფრო გადიოდა დრო, საპირისპირო შედეგს ვღებულობდით, დემოკრატიული განვითარების საფარქვეშ, სულ უფრო იკიდებდა ფეხს სააკაშვილის და მისი ელიტური ჯგუფის ავტოკრატიული მმართველობა. ნაცვლად თქვენს მიერ გაწეული რეკომენდაციებისა, საქართველოში წარმატებით ყალიბდებოდა მმართველობის რუსული მოდელი, კიდევ უფრო დახვეწილი და გამორჩეული სისასტიკითა და სახელისუფლებო განუკითხაობით. ამას ახალისებდა ის შეფასებებიც, რომლებიც, სამწუხაროდ, ვრცელდებოდა ამერიკიდანაც და ევროპიდანაც, რომ თითქოს, სააკაშვილი იქცა დემოკრატიის შუქურად და მისაბაძ მაგალითად რეგიონული განვითარებისათვის. მესმის, რომ ეს არ კეთდებოდა შეგნებულად. უბრალოდ, მოგეწოდებოდათ შესანიშნავად შეფუთული ყალბი ინფორმაცია. პირიქით, თქვენ ყველაფერი გააკეთეთ ჩვენი ქვეყნის დახმარებისა და განვითარებისათვის, მაგრამ იმედები არ გაგიმართლათ არც თქვენ და არც ქართველ ხალხს. ჩვენ კი ვხედავდით ამ მახინჯ პროცესს და რამოდენიმეჯერ შევეცადეთ კიდეც ინფორმაციის მოწოდებას, მაგრამ ამის დაჯერება იმ პერიოდში, ალბათ, ძნელი აღმოჩნდა.

ისიც მესმის, რომ ძნელია თქვენი მხარისთვის იმის აღიარება, რომ სააკაშვილმა მოგატყუათ. მაგრამ სააკაშვილმა მოგატყუათ არა მხოლოდ თქვენ, არამედ მთელი მსოფლიო, საკუთარი ხალხი და ამაში უკვე ყველა დარწმუნდა. კიდევ ერთხელ მინდა გავიმეორო, ეს არ იყო თქვენი ბრალი. უბრალოდ, მან ისარგებლა თქვენი ნდობით და ქართველი ხალხის მოთმინებით.

უფრო მეტიც, ვხედავდით, როგორ არიგებდა სააკაშვილი დაპირებებს თვალის ასახვევად და იმავდროულად, როგორ ეწეოდა ამერიკული და ზოგადად, დასავლური ღირებულებების ფარულ დისკრედიტაციას. შედეგად კი, ეტაპობრივად ვღებულობდით ხალხის იმედგაცრუებას, ანტიამერიკული და ანტიდასავლური განწყობის სულ უფრო მზარდ ტენდენციას.

ალბათ, ამ პოლიტიკის გაგრძელება იყო, გუშინ სააკაშვილი მიერ საჯაროდ გაკეთებული პროვოკაციული განცხადება 26 მაისის აქციებთან FBI-ის წარმომადგენელთა კავშირის შესახებ. ჩვენთვის კარგად არის ცნობილი მისი პოლიტიკური ხრიკები თავის გადასარჩენად და ის მიზანი, რომ საბოლოოდ დათესოს ხალხში ნიჰილიზმი ამერიკელი მეგობრების მიმართ. მაგრამ ხალხი ბრძენია, ის შეიძლება რაღაც პერიოდში მოატყუო, მაგრამ სულ ვერ მოატყუებ.

ამიტომ, ამ შემთხვევაში არ გადავაჭარბებ, თუ თხოვნით მოგმართავთ ქართველი ხალხის უმრავლესობის სახელით - დაარქვით ყველას და ყველაფერს თავისი სახელი. მერწმუნეთ, ამას დიდი მნიშვნელობა აქვს ღირებულება არეული ადამიანების წარმოდგენებში სიცხადის შეტანისა და სამართლიანობის დადგენისათვის. ისინი ხომ კვლავაც დიდი იმედით შეჰყურებენ ქართულ-ამერიკული ურთიერთობების პერსპექტივას. ქართველი ხალხი, აღარ დაუშვებს დემოკრატიული კურსიდან გადახვევას. სააკაშვილისგან განსხვავებით, ის პირნათლად შეასრულებს თავის მისიას საქართველოს მომავლისა და მსოფლიოში მშვიდობის დამყარების საქმეში. გქონდეთ ქართველი ხალხის იმედი.

ღმერთი იყოს თქვენი და ამერიკელი ხალხის მფარველი.

უღმესი პატივისცემით,

პროფ. პაატა ცნობილაძე

მსოფლიო იურისტთა ასოციაციის
პირველი ვიცე-პრეზიდენტი

(palitratv.ge) გადაცემა ,,აქ და ახლა" გადაცემის სტუმარია სადისკუსიო დარბაზის თავმჯდომარე პაატა ცნობილაძე

(საინფორმაციო სააგენტო ,,პირველი") "დავიწყებთ იმ საპრეზიდენტო კანდიდატის საწინააღმდეგო კამპანიას, რომელიც ვადამდელ საპარლამენტო არჩევნებს მხარს არ დაუჭერს"

არასამთავრობო ორგანიზაცია "ყოფილი პოლიტპატიმრები ადამიანის უფლებებისთვის" საპრეზიდენტო კანდიდატებს მოუწოდებს, ვადამდელ საპარლამენტო არჩევნებთან დაკავშირებით პოზიცია ღიად დააფიქსირონ. 

(საინფორმაციო სააგენტო ,,პირველი") "რიგგარეშე საპარლამენტო არჩევნების დანიშვნა გარდაუვალია"

ექპერტი კახი კახიშვილი მიიჩნევს, რომ რიგგარეშე საპარლამენტო არჩევნების დანიშვნა გარდაუვალია.

(Tetrebi.org) ზესტაფონი კეთილი კაცის მოლოდინში

„როგორც ჩანს, ბევრისთვის პატრიოტიზმი და ბრძოლა საქართველოსათვის  პარლამენტში მოხვედრისთანავე,თანამდებობაზე დანიშვნისთანავე მთავრდება..“

აღნიშნა თემურ შაშიაშვილმა პარტია „თეთრების“ პოლიტიკური საბჭოს გაფართოებულ სხდომაზე, რომელიც პრეზიდენტობის კანდიდატის შერჩევის დასკვნითი შეხვედრა იყო.

საბჭოს წევრებმა  გაიზიარეს პარტიის თავმჯდომარის დასკვნა. უფრო მეტიც, სხდომაზე ითქვა, რომ ამ ანტიქართული  და  ამაზრზენი პროცესის  ყველაზე ტიპიური  მაგალითი ზესტაფონია… სამადაშვილისა და მისი მაფიოზური კლანის წინააღმდეგ ბრძოლით პარლამენტსა და თანამდებობებზე მოხვედრილნი – კარგად შეერწყნენ ფერომაფიას,  მისი მფარველნი გახდნენ… აღარ ახსოვთ არც ზესტაფონი, არც საქართველო, არც გაუსაძლის მდგომარეობაში მყოფი ხალხი…

„რად გვინდა ან პრეზიდენტი, ან პარლამენტი, ან მთავრობა, ან სასამართლო, ან არასამთავრობო სექტორი, რად გვინდა პარტიები, თუ უზნეო ფულიანთა თავნებობას წერტილი არ დაესმება, თუ ხალხი ელემენტარულ პასუხს ვერ მიიღებს ქვეყნის უმაღლეს ეშელონებში გაგზავნილ უამრავ წერილზე, თუ ისევ თავგასული იქნება პოლიცია, თუ ასე დაეკარგება კონტაქტი ხალხს დეპუტატთანაც, პარლამენტთანაც და მთავრობასთანაც. ტრაგედიაა, როცა ყურს არ მოესმინება ის, რასაც საქართველოს ამ უმშვენიერესი ქალაქის  გაწამებული მოსახლეობა საუბრობს ბატონ ბიძინა ივანიშვილზე, იმ კაცზე, რომლის იმედითაც მივიდნენ საარჩევნო ყუთებთან 1 ოქტომბერს.

„გვინდა ვირწმუნოთ, რომ ბატონი ბიძინა ივანიშვილის გუნდში აღმოჩნდება კეთილი კაცი, რომელიც არ მოერიდება სიმართლე უთხრას მას იმის შესახებ, რა ხდება ქალაქებსა და რაიონებში, რა განწყობაა ხალხში, და რა უბედურება ტრიალებს ზესტაფონელთა თავს. – პროფესორების, მერაბ ჯიბლაძისა და რობერტ ბაბლიძის ეს განწყობა მთელმა საბჭომ გაიზიარა.

გამოჩნდება თუ არა ეს კეთილი კაცი, ამას ზესტაფონი დაინახავს, სადაც როგორც დამანგრეველი სტიქია, ისეთ ტემპში მოქმედებს „ქართული ოცნებისაგან“ მხარდაჭერილი მერებ სამადაშვილის (ანუ მიხეილ სააკაშვილის ოჯახის) მაფია.

“თეთრების” პრეს-ცენტრი